د افغانستان ۲۵ کرکټرانو د ILT20 د پنځم پړاو په شپږو لوبډلو کې ځایونه ترلاسه کړي؛ داسې حضور چې یوازې د سکواډ تر نوملیکنې محدود نه دی، بلکې د هرې لوبې په یوولس کسیز ترکیب کې هم د لږ تر لږه دوو افغان لوبغاړو ګډون تضمینوي.
د افغانستان کرکټ بورډ د دوشنبې په ورځ وویل، د سیالیو د جوړښت له مخې هره فرنچایز لوبډله باید لږ تر لږه څلور افغان لوبغاړي په خپل سکواډ کې ولري.
دغه شرط په شپږو لوبډلو کې لږ تر لږه ۲۴ ځایونه جوړوي، خو د افغانستان ټولیز حضور ۲۵ لوبغاړو ته رسېدلی دی. ګلف جاینټس پنځه افغان لوبغاړي لري، په داسې حال کې چې پاتې پنځه لوبډلې هره یوه څلور افغان لوبغاړي لري.
فضلالحق فاروقي د افغانستان د هغو لوبغاړو په منځ کې چې کرکټ بورډ یې قراردادونه اعلان کړي، تر ټولو لوړ ارزښت لرونکی قرارداد ترلاسه کړی دی. هغه د ۳۸۰ زره امریکايي ډالرو په بدل کې له MI Emirates سره یوځای شوی دی.
رحمانالله ګربز د ۳۱۰ زره ډالرو په بدل کې ګلف جاینټس ته تللی، الله محمد غضنفر د ۱۵۰ زره ډالرو په قرارداد MI Emirates اخیستی او محمد نبي د ۱۴۰ زره ډالرو په بدل کې له Sharjah Warriorz سره یوځای شوی دی.
راشد خان، عظمتالله عمرزی، مجیب الرحمن، نور احمد او وقار سلامخېل لا له وړاندې د لوبغاړو تر نیلام مخکې په بېلابېلو لوبډلو کې خپل ځایونه خوندي کړي وو.
راشد خان به د MI Emirates، عظمتالله عمرزی د Gulf Giants، مجیب الرحمن د Desert Vipers، نور احمد د Dubai Capitals او وقار سلامخېل د Sharjah Warriorz لپاره ولوبېږي.
د افغان لوبغاړو د حضور
